Advertencia sanitaria sobre O Incidente
15 Xuño 2008
Saúdos, xente de ben.
O venres fun ver O Incidente (The Happening).
Era sábado cando saín do cine.
É domingo cando escribo isto.
Todavía non entendo qué foi o que vin.
Uns din que é Serie B, en plan M. Night.
Outros din que en Hollywood xa empeza a caer un pouco gordo con tanto “I am goofy”, pero en plan “I am like Hichtcock”, ou sexa, que teña a pirola feita un nó, se cadra enganchada coma Ben Stiller en “There’s something about Mary”. Eu qué sei.
Cada vez entendo menos.
Máis que nada por dicires algo, comentarei o que me pasaba pola cachola logo de deixa-lo cine atrás.
O tal Noite ten uns **** coma un burro, con iso de poñer escrito, producido e dirixido por ‘muá’. Aínda o pode dicir, carallo.
O fato de actores, actrices e outras cousas peor escollido en moito tempo. Falabamos de Iron Man e do ben que estaba cada un no seu papel.
Marky? Mark semella atacado de truñite aguda cada vez que ten que “interpretar”, coma un DX que dixera “agora imos interpretar un pouco”, pois el tamén: de cando en cando pon cara de “ei, estou interpretando moi duramente”. Inenarrable. Hai que velo. Se non fose porque non é unha peli para gastar cartos nela.
A moza, que non está nada mal, tamén está mal. E a nena, da que non direi nada. E a vella, que nin sequera [SPOILER] salva a peli sendo o que podería ter sido, que supoño calquera o pensaría, esa Gaia encarnada en plan “nenos desagradecidos, agora ides velo o que é bo”.[/SPOILER]Pero tampouco.
É que non hai con que traballar. A idea non dá máis de si, ou mellor dito, o director. Se fixo o que quería facer, noraboa. ‘Cuadrados’ lle deben de ser.
Mirade, repito o de antes, eu xa non entendo nada.
Agora mesmo estou na fase “deber ser unha obra mestra menor de xénero que son tan burro como para non aprezar”, así que non vos fiedes moito de min.
En ningún momento estiven metido nela, alleo ó resto do mundo. De cotío me viñan á cabeza comentarios para compartir co do lado, e iso non é bo.
Lin nalgures que cambiou moito de emprezamento a rodaxe para que os intérpretes sentisen mellor ese andar a escapar de non se sabe qué. Pois tal vez o conseguise máis do que quería, porque eu coma espectador tamén estaba descolocado.
Para min é mala, coma esas malas malas das que lembras un par de detalles, en plan coña. Pero claro, nesta meteron alomenos 36 quilos. Que xa poden dar de si, trinta e seis.
Calquera outro que entenda máis, que fale. E se non, a rañala.
Sede felices.
Don Vitto
Le outras críticas: Uroloki (de Uroloki.org)
Póster de The Spirit, desta volta con Scarlett Johansson
15 Xuño 2008
Novo póster de The Spirit de Frank Miller, e agora cunha das musas deste bló, Scarlett Johansson.
Scarlett interpreta a Silken Floss e como unha boa ama ordena: “Daquela, axeónllate…”.
Vía CinemaBlend.
Novas relacionadas: Póster de The Spirit (Eva Mendes)
Máis un novo tráiler de The Dark Knight
15 Xuño 2008
Novo tráiler de The Dark Knight. Vexa aquí!
Novas imaxes, un pouco máis de Harvey Dent e o Joker falando con outra voz.
Xa nos tarda! A estrea o 13 de setembro.
Vía CinemaBlend
Novas relacionadas: Imaxes de Batman: Gotham Knights, Tráiler de The Dark Knight, Pósters de The Dark Knight, Teaser tráiler de The Dark Knight, “I believe in Harvey Dent”, Eric Roberts en The Dark Knigth, Xa temos Joker.
10 filmes que marcaron a miña non-vida (III)
11 Xuño 2008
28 días despois (28 days later, 2002, Danny Boyle) e 28 semanas despois (28 weeks later, 2007, Juan Carlos Fresnadillo)
Por fin podemos dicir aquelo de “segundas partes SI son boas”. Podería dicirse que en cuestión de momentos de tensión 28 semanas despois é moito máis intensa (as miñas unllas quedaron no teito do cine), mais non hai que desmerecer a primeira parte. Impagábel a escena da igrexa.
A Raiña dos Mortos
Teaser póster de [REC] 2
9 Xuño 2008
O único que sabemos é que os directores son os mesmos da primeira, Jaume Balagueró e Paco Plaza e… ata aquí podo ler.
A miña aposta: O do primeiro filme sae a fóra.
Vía uroloki.org
Ocean
9 Xuño 2008
Un descoñecido Ryan Condal é o elexido para adaptar á pantalla grande Ocean, unha banda deseñada guionizada por Warren Ellis e debuxada por Chris Sprouse.
No século que vén atopan centos de cadaleitos e armas de destrucción masiva en Europa, unha das lúas de Xúpiter. O inspector da ONU Nathan Kane deberá investigar o interese que pode ter tal achádego.
Unha historia nada rompedora que nas mans de Ellis e cos debuxos de Sprouse convértese nun éxito seguro (outra cousa será a adaptación…)
Vía KillerMovies
Leonardo DiCaprio en Atari
9 Xuño 2008
Leonardo DiCaprio interpretará a Nolan Bushnell que, xunto a Ted Dabney, fundou en 1977 unha das máis míticas compañías de videoxogos.
A apaixoante vida dun tipo que comeza arranxando pinballs e remata fundando unha corporación millonaria.
Vía Cinema Blend
Outras novas relacionadas: Akira en imaxe real
Póster de The Spirit
9 Xuño 2008
Eva Mendes, que en The Spirit de Frank Miller interpreta a Sand Saref, pregúntanos: Parezo unha nena boa?
Vía Cinema Blend
Moitos pósters chulos mais non gustamos nada do primeiro tráiler, demasiado cheiro a Sin City (e noutros pósters cheiro a 300)
Awakening Zombies
9 Xuño 2008
O alicantino Sr. Guijarro mándanos spam de calidade para promocionar a súa curta Awakening Zombies, unha modesta producción chea de sangue, sadomaso e lendas urbanas.
Esperamos ter pronto máis novas sobre os próximos traballos deste dexenerado amante do gore e da Troma.
Akira en imaxe real
12 Maio 2008
Flipante nova!
“Entre Ain’t It Cool, The Hollywood Reporter y Bloody Disgusting se ha cascado la primicia de este jueves al revelar, de una tacada, al director, protagonista y secundario de lujo de Akira, la adaptación del manga de Katsushiro Otomo que ya no estará dirigida por Stephen Norrington, sino por Ruairi Robinson, y que tendrá nada menos que a Leonardo DiCaprio como protagonista, secundado por Joseph Gordon Levitt (Brick), que darán vida a Kaneda y a Tetsuo, respectivamente. El film, según BD, constará de dos partes y estará producido por la Warner Bros. Se desea que la primera entrega se estrene en verano de 2009, con un cambio en el escenario: en vez del Neo Tokio que todos amamos, la acción transcurrirá en un Manhattan reconstruido tras la Tercera Guerra Mundial. Allí, un grupo de jóvenes pilotos callejeros se inmiscuye sin querer en una operación militar que involucra a niños con poderes psíquicos especiales, que en su día estuvieron “capitaneados” por el más poderoso de todos ellos, un chaval llamado Akira que podría volver a despertar muy pronto. Obviamente, éste argumento ni siquiera rasca la monumental obra de Otomo, pero algo es algo.”
Vía: Las Horas Perdidas
Imaxe de Major Spoilers
Tráiler de Starship Troopers 3. Marauder
9 Maio 2008
Tráiler de Starship Troopers 3!! Había unha segunda? Vede o tráiler, vede. Esta hai que vela entre os colegas unha tarde moi aburrida. Pero hai que vela, chi.
O filme inda está en post-producción e agárdase a súa estrea no presente ano.
Maratón de Pesadelo en Elm Street. Parte 4
8 Maio 2008
O enorme éxito da terceira parte fixo que tan só un ano despois pudiésemos ver unha nova entrega e en agosto de 1988 estreábase comercialmente Pesadelo en Elm Street IV, que levaba o subtítulo de “Dream Master”. Este subtítulo foi traducido de múltiples formas por estes lares, comunmente como “Maestro de los sueños”, unha tradución moi pouco apropiada. Así que eu prefiro quedarme coa traducción que fixeron no mítico programa de Antena 3, Noche de Lobos, alá polo ano 90, na que falaban de “Amo dos soños”.
Pero vamos ó que vamos. Este Pesadelo 4 é probablemente, xunto coa primeira parte, o mellor e o máis importante de tódalas entregas da saga. Como xa é habitual en toda a saga, continúa o desfile de talentos polos filmes, e se a anterior era a peli de Patricia Arquette, ou a primeira a de Johnny Depp, esta vai ser sen dúbida a peli de Renny Harlin.
O director vikingo vaille dar auténtica personalidade a este filme e eso vaille servir de detonante para unha carreira exitosa aínda que en claro declive nos últimos anos. Harlin, que pouco despois deste filme dirixiría A Xungla de Cristal 2 e a mítica As aventuras de Ford Fairlane vai imprimirlle ó filme un ritmo frenético e un tono metalero co que anticipa, esteticamente, a chegada dos 90.
Despois da inocencia da que falábamos en partes anteriores, Harlin vai marcar un punto de inflexión na saga cun filme máis moderno e que soubo envellecer infinitamente mellor que o resto.
O argumento propón unha volta á orixe, condicionado polas distintas variables que se produciron na historia. Kristen (que agora xa non é Patricia Arquette senón Tuesday Knight), é a que sofre o inicio dos pesadelos, e é a única que pode proporcionarlle vítimas a Freddy (algo similar ó que acontecía na segunda parte). Sen embargo, a historia non tardará en querer desligarse do pasado e as personaxes herdadas da secuela anterior palman na primeira media hora para pasar o protagonismo a Alice Jonson (Lisa Wilcox) unha antiheroína que ten que pasar de ser a rapaza tímida da clase á todopoderosa que remate con Freddy.
A partires daquí, o filme vaise estruturar sobre dúas grandes tramas, a evolución de Alice como heroína e a sucesión de mortes que fan a Freddy máis poderoso pero que paradoxicamente tamén fan medrar o poder de Alice.
As voces máis críticas acusaron ó filme de non aportar nada novo e de ser predecible, mais creo que é dos máis redondos de toda a saga. É certo que desde o comezo podes deducir quen vai chegar ó final, sen embargo, a importante carga de humor, a linguaxe dos soños tinxida de certo surrealismo e o ritmo de rock and roll que cubre o filme, fai que sexa unha das entregas máis divertidas.
Ademáis hai unhas cantas secuencias antolóxicas. A resurrección de Freddy despois dunha ardente mexada do can de Kincaid é gloriosa. Por non falar dos momentos nunchacu ou a kafkiana metamorfose de Debbie (Brooke Theiss).
Despois deste filme todo o que vai vir é decadencia.
Curiosidades moi moi frikis
- Hai varias curiosidades musicais. Pesadelo 4 é o filme no que a música ten un peso máis importante e na banda sonora podemos atopar desde composicións de rap ou rock a metal. Neste sentido, a primeira curiosidade que nos atopamos é nos títulos de crédito que comezan con unha nena pintando cun xiz. De fondo soa unha música que ten un inicio inquietante e unha guitarra potente, trátase do tema Running from this nightmare. Este tema non aparece na B.S.O. da peli e está interpretado por Tuesday Night que é a mesma que interpreta a Kristen no filme.
- Lin por aí que Bruce Dickinson compuxo un dos grandes éxitos de Iron Maiden, Bring your daughter… to the slaughter para este filme. Sobre esto teño as miñas dúbidas. A canción non aparece no filme, sen embargo si que atopamos unha referencia ó mesmo nos créditos do Pesadelo 5 onde tampouco soa durante a peli. En todo caso, o tema editouse no disco No prayer for the dying e convertiuse nun dos grandes éxitos de Iron Maiden.
- Outra banda mítica que sí que está neste filme é Blondie que aportou un tema tanto ó filme como á súa B.S.O. Trátase de Rip her to shreds que saía editado no disco de debut Blondie.
- Rachel Talalay, auxiliar de producción da primeira parte, xa é unha dos produtores deste filme.
- O guión é un dos puntos destacables deste filme e vemos que o firma un descoñecido William Kotzwinkle. Xunto a el, aparece como co-guionista un home que naquel entón tamén debía ser un descoñecido: Brian Helgelan. Cos anos Helgelan vai convertirse nun dos guionistas máis importantes de Hollywood e o responsable de títulos como L.A. Confidential ou Mystic River.
Continuará…
Fagot
10 filmes zombis que marcaron a miña non vida (II)
7 Maio 2008
O Amencer dos Mortos (Dawn of the Dead, 2004, Zack Snyder)
Este filme dirixido por Zack Snyder, artífice tamén da adaptación da banda deseñada de Frank Miller 300 (sangue, suor e carne, moita carne) e da agardadísima Watchmen (baseada na banda deseñada de Alan Moore e Dave Gibbons), e cun guión de Romero podería dicirse que foi o meu espertar zombi (durmido durante anos).
Trátase dunha adaptación doutro gran clásico, Zombi, mais un pouco máis actual. Un grupo de superviventes trata de non rematar sendo comida para os “deficientes respiratorios” dentro dun gran centro comercial. Hai escenas para recordar, como o bebé zombi e algunha máis que vos invito a descubrir por vós mesmos. Por suposto, e como non podía faltar, cameos de Tom Savini e Ken Foree (segundo a súa páxina web The World Greatest Zombie Killer), moito sangue e vísceras.
A Raiña dos Mortos
Outlander
7 Maio 2008
Outlander é a historia dun extraterrestre humanoide (Jim Caviezel) que se esnafra na Terra, liberando un monstro que devora todo o que se atopa ó seu redor. Desgraciadamente, a pega está en que o amigo E.T. chegou ó noso planeta na época dos vikingos, así que tódos ben xuntos terán que empregar arcos e frechas para cazar ó bicharraco en cuestión, o cal vai complicar á tarefa de forma ostensible. Recordemos que o seu director e guionista, Howard McCain, insistiu moito en potenciar o “realismo” (!) do film. Isto serve para exemplificar que parece que nos atopamos ante unha peli bastante gore. Pasará o mesmo que con Pathfinder e fixo que directamente a DVD. En fin… non sei nin porqué a puxen. Un Depredador nos vikingos? A web é triste, triste…
O proxecto inda se atopa en preproducción e inda non hai data de estrea, inda que se agarda que sexa neste 2008.
Imaxes de Batman: Gotham Knights
7 Maio 2008
Batman: Gotham Knights é a serie de curtas de animación que acompañarán a estrea de The Dark Knight e poranse directamente á venda en DVD. Rollo Animatrix.
